Aitziber Eguskiza

"Mujeres Salvajes" edo emakume basatiaren arketipoa Clarissa Pinkola Estés ek erabiltzen duen "hizkuntza" daukagu. "Mujeres que corren con los lobos" edo "Women who run with the Wolves: Myths and Stories of the Wild Woman Archetype" bere liburuan.

Guztiz gomendagarria, beti ere, analisis psikologikoa eta ipuinak gogoekin hartu nahi baditugu, basatia den guztia berreskuratuz, eta emakume baten ikuspuntutik, kasu hontan autorearen ikuspuntu psikologikotik ere (carl gustav jung ena)

Zugarramurdi bisitatzeak eta bertako Sorginen Museoa batez ere, -leizeak eta bertako "klima bereziaz" aparte- sorginei buruz aspaldi egindako gogoeta zenbait ekarri dizkit burura. Orain dela 3 o 4 urte ezagututako "sorgin arrunt" baten oroimena besteak beste (jakitun, ordurarte ezagutu nuen lehenengo "sorgina": Catalina Hinchey). Hortik aurrera ezagutu eta liluratu nauten sorginak ez dira gutxi izan, sorgin deitura neure, norbere, eran ulertuz, noski! elizak eta "patriarkatu"ak kontzeptuari jarritako kiratsak ahaztuz.

Sorginak eta Clarissa Pinkolak bere liburuan azaltzen dituen emakume basatiak parekatu nahi izan ditut "idazki edo post" honetan. Barnean dauzkagun sorginei garrantzia eman nahi diet, emakume jakitun libre eta basatia geure barnetik ateraraztea polita iruditu zaidalako, polita baina zaila ere!!

Ezinezko izango zaidanez, larunbateko manira urbildu -saiatuko naiz-.

Aintzat hartu nahiko nituzke abortatu duten emakume guztiak, eta bestalde antolatzaileak zoriondu era hontako ekimenak aurrera eramateagatik.

HEMEN EZIN DA ABORTATU.

HEMEN, OSASUNGINTZA PUBLIKOA KLASE MEDIKO ATZERAKOIENAREN PLAZA PROPIOA DA.

HEMEN EZ DIRA EMAKUMEON ESKUBIDEAK ERRESPETATZEN.

HEMEN GIZA ESKUBIDEAK URRATZEN DIRA.

EUSKAL HERRIAN EMAKUMEOK EZIN DUGU GURE GORPUTZARI BURUZKO ERABAKIRIK HARTU, ABORTUA EZ DA EZ LIBREA EZ DOAN.

Hego Amerika eta karibeko abortoa ri buruzko egoera hemen:

http://www.choike.org/nuevo/informes/4702.html (gazteleraz-en castellano)

ABORTATZEKO ESKUBIDEAREN ALDE KALERA!!

EMAKUMEONA DA ERABAKIA

Berriz ere kalera irten eta espazio publikoa berreskuratu dugu. Aspalditik datorkigun eskubidea da, beronen defentsa gure taldeen oinarrian dago: abortua libre eta doan.

Abagune honetan, non 2.000 emakumetik goraren bizi pribatuaren aurkako eraso polizial eta errepresiboa ematen ari den. Emakumeok eskubiderik oinarrizkoena, norbanakoaren gorputza kontrolatzekoa, praktikan jartzeko pasa dira kliniketatik.

1985ean onartutako Legearen aplikazio zehatza eta hitzemandako honen moldaketa atzeratzeko gobernutik egiten ari diren maniobrak SALATZEN DITUGU. Abortua delitu bezala mantentzen jarraitzeak mugatua bihurtzen du, baina ez honek bakarrik. Hiru balizko arrazoien praktika ere, dohainik eta emakumeontzat garantia guztiekin, gero eta zailagoa da aplikatzen zentro publikoetan.

Emakumeon eskubide sexual eta erreproduktiboak ezabatu eta zapalduak izan dira eskukada bat boto eta soldata handiz hornitutako besaulki batzuengatik. Eliza katolikoak, era erasokor eta inkisitorialean, berriz ere eskenatoki elektorala estutzen du gure bizietan muturrak sartuaz, askatasunen deuseztapenerako argumentuak erabiliaz.

Ez da emakumeon eskubideak beteak izango direla ziurtatzen. Aitzitik, HNEak ez dira zentro publikoetan praktikatzen; ez da doan; oztopo mediko eta juridikoen lasterketa bat da; eta, azkenean, guardia zibilaren eskutik emakume eta profesionalak atxilotuaz amaitzen den tranpa maltzur bat izaten amaitzen du.

Basauriko epaiketa ospetsua dugu gogoan Euskal Herrian, non jendarte osoa mobilizatu eta abortuaren zatitako despenalizazioarekin amaitu zen. Diktadura frankistaren hondarrak zirela pentsatu nahi genuen. Bere ondorengoek emakumeon eskubideen aurka egiten duen jendarte kontseraboreena bere egin dutela egiaztatu da orain.

Oraindik orain, lege berriarekin ikusi dugu nola abortu gehienak klinika pribatuetan egiten diren. Zentro publikoetako analisi eta informe medikuen bide luze eta zailak emakumeak asistentzia azkar eta egokiagoaren bila zuzentzen ditu. Zentroetako profesionalen gain, berriz, botere judizial eta polizialaren mehatxu konstantea eta legea hausten ari diren etengabeko ustea dago.

Nafarroan are okerragoa da egoera. UPNren gobernua, PSN-PSOEren laguntzaz, legearen aplikazioa oztopatzen ari da eta egungo estatuko legislazioa ez du betetzen.

HEMEN EZIN DA ABORTATU.

HEMEN, OSASUNGINTZA PUBLIKOA KLASE MEDIKO ATZERAKOIENAREN PLAZA PROPIOA DA.

HEMEN EZ DIRA EMAKUMEON ESKUBIDEAK ERRESPETATZEN.

HEMEN GIZA ESKUBIDEAK URRATZEN DIRA.

EUSKAL HERRIAN EMAKUMEOK EZIN DUGU GURE GORPUTZARI BURUZKO ERABAKIRIK HARTU, ABORTUA EZ DA EZ LIBREA EZ DOAN.

Ez gara isilduko. Ez gaituzte isilduko. Kalera batera eta aldarrikatzaile irten gara UPNren gobernuaren praktika legeausleak salatzeko. Gogoz kontrako haurdunaldiak gutxituko dituen sexu hezkuntza eta orientazio programen falta salatzeko. Familia harreman eredu heterosexualaren inposaketa salatzeko. Botere judiziala eta etxe zein klinika pribatuetara sartuz erabiltzaileen historia eta biziak bahitzen dituen polizia salatzeko. Ez garela promesa elektoralen bidez engainatzen utziko abisatzeko: Abortua libre eta doan orain!!!! Gu erditzen gara, guk erabakitzen.

abortatoaren aldeko iruñeako batzordea, alsatsuko feministak, amalatz, arabako emakumeen asanblada, argitan, basauriko emakume taldea, bizkaiko emakumeen asanblada, emakume internazionalistak, ermuko asanblada,euskal herriko bilgune feminista, herne, lanbroa, medeak, ondarruko emakume taldea, plazandreok, 7menos20.

Irakurri gehiago »